ယနေ့ နံနက်ပိုင်းတွင် နေပြည်တော်သို့ ရောက်ရှိနေသည့် အရှေ့အာရှနှင့် ပစိဖိတ်ရေးရာ လက်ထောက် နိုင်ငံခြားရေးဝန်ကြီး မစ္စတာ ကာ့တ် ကမ်းဘဲလ် ဦးဆောင်သည့် အမေရိကန် ကိုယ်စားလှယ် အဖွဲ့တွင် အာဆီယံရေးရာ သံအမတ် မစ္စတာ စကော့မာရှယ်တို့အပြင် တခြား အရာရှိ ၂ ဦး ပါဝင်ကြောင်း သိရသည်။“သူတို့ အစီအစဉ်အတိုင်း ဒီနေ့ နေပြည်တော်မှာ ဆောင်ရွက်စရာရှိတာတွေကို ဆောင်ရွက်မှာပါ၊ မနက်ဖြန် သူတို့ ရန်ကုန်ကို လာပြီးတော့ မနက်ပိုင်း အင်းလျားလိတ် ဟိုတယ်မှာ ဒေါ်အောင်ဆန်းစုကြည်နဲ့တွေ့ပါမယ်၊ အဲဒါ ကျနော်တို့ သံရုံးက အစီအစဉ်ပါ” ဟု အမည် မဖော်လိုသူ အမေရိကန်သံရုံး အရာရှိက ဧရာဝတီသို့ ပြောသည်။
အဆိုပါ မစ္စတာ ကာ့တ် ကမ်းဘဲလ်နှင့် အဖွဲ့သည် ယနေ့နံနက်ပိုင်းတွင် နေပြည်တော်သို့ ရောက်ရှိလာပြီး နောက် စစ်အစိုးရ ခေါင်းဆောင်များနှင့် အစည်းအဝေး တချို့ ပြုလုပ်ခဲ့သည်က လွဲ၍ အသေးစိတ် မသိရသေးကြောင်း၊ မနက်ဖြန် မနက်ပိုင်းတွင် ၀န်ကြီးချုပ်သိန်းစိန်နှင့် တွေ့ဆုံရန်ရှိကြောင်း၊ မစ္စတာ ကာ့တ် ကမ်းဘဲလ်သည် ရန်ကုန်လေဆိပ်မှ မထွက်ခွာမီ သတင်းစာရှင်းလင်းပွဲတခု ပြုလုပ်မည် ဖြစ်ကြောင်း ၎င်းက ဆိုသည်။
“ဒေါ်အောင်ဆန်းစုကြည်နဲ့ တွေ့ဆုံပြီးရင် တိုင်းရင်းသားး ခေါင်းဆောင်တွေနဲ့ တွေ့ဖို့ အစီ အစဉ် ရှိပါတယ်၊ အမျိုးသားဒီမိုကရေစီ အဖွဲ့ချုပ်(NLD)နဲ့ တွေ့ဖို့ စီစဉ်ထားပေမယ့် အခုချိန်ထိ အတည်ပြုချက် မရရှိသေးပါဘူး” ဟု ယင်း သံအရာရှိက ဆိုသည်။
ဒေါ်အောင်ဆန်းစုကြည်နှင့် မစ္စတာ ကာ့တ် ကမ်းဘဲလ်တို့တွေ့ဆုံရာသို့ ကန့်သတ်ချက်များဖြင့် သတင်းထောက် များကို တက်ရောက်ခွင့် ပြုမည်ဖြစ်ကြောင်း သိရသည်။
“သတင်းထောက်တွေကို ဓာတ်ပုံပဲရိုက်ခွင့်ပေးမယ်၊ ဒေါ်စုနဲ့ အမေရိကန်အရာရှိတွေ့တာကို ဓာတ်ပုံပဲရိုက်ရမယ်၊ ဘာမှမမေးရဘူး၊ သတင်းမယူရဘူး၊ ဓာတ်ပုံရိုက်ပြီး ပြန်ရမယ်၊ ပြန်ကြားရေးဝန်ကြီးဌာနက ဖိတ်တာပါ” ဟု ရန်ကုန် အခြေစိုက် သတင်းထောက် တဦးက ဆိုသည်။
ထိန်းသိမ်းခံနေရသည့် ဒေါ်အောင်ဆန်းစုကြည်ကလည်း ယခု အမေရိကန် အစိုးရကိုယ်စားလှယ် အဖွဲ့၏ ခရီးစဉ်ကို စောင့်ကြည့်နေသည်ဟု မကြာသေးမီက ထုတ်ဖော် ပြောကြားခဲ့သည်။
ပြီးခဲ့သောလတွင် အမေရိကန် အစိုးရက မူဝါဒသစ်ကို ထုတ်ပြန်ကြေညာခဲ့ပြီးနောက် ကာ့တ် ကမ်းဘဲလ် သည် ၀န်ကြီးဦးသောင်းနှင့် နယူးယောက်တွင် တွေ့ဆုံ ဆွေးနွေးခဲ့သည်။
ဒေါ်အောင်ဆန်းစုကြည်က စက်တင်ဘာလ ၂၅ ရက်နေ့ ရက်စွဲဖြင့် ဗိုလ်ချုပ်မှူးကြီး သန်းရွှေထံသို့ စာတစောင် ပေးပို့ခဲ့ရာ မြန်မာနိုင်ငံအပေါ် အရေးယူ ပိတ်ဆို့ထားမှုများ ရုပ်သိမ်းရေး အတွက် စစ်အစိုးရနှင့် ပူးပေါင်း ဆောင်ရွက်လိုကြောင်း၊ အရေးယူ ပိတ်ဆို့မှုများနှင့် ပတ်သက်ပြီး သိရှိ နားလည်စေရေး အတွက် အနောက် နိုင်ငံ သံတမန် ၃ ဦးနှင့် တွေ့ဆုံခွင့်၊ အမျိုးသား ဒီမိုကရေစီ အဖွဲ့ချုပ် (NLD) နှင့် ညှိနှိုင်းခွင့်ပြုရန် ရေးသား တောင်းဆို ထားသည်။
ယင်းသို့ ဒေါ်အောင်ဆန်းစုကြည်၏ ပြောင်းလဲလိုက်သော သဘောထားနှင့် ပတ်သက်၍ မြန်မာ့အရေး လေ့လာသူများ အကြား အငြင်းပွားဖွယ် ဖြစ်ခဲ့ရသည်။
မြန်မာ့ အရေးလေ့လာသူ ဆွီဒင်လူမျိုး သတင်းစာ ဆရာ Bertil Lintnerက“ဒေါ်အောင်ဆန်းစုကြည်ရဲ့ နိုင်ငံရေးအယူအဆကို အပြင်ဘက်က လေ့လာသူတွေက လွဲမှားစွာ ဆုံးဖြတ်ကြတယ်လို့ ကျနော်ထင်တယ်၊ အရေးယူပိတ်ဆို့မှု နဲ့ ပတ်သက်ပြီးတော့ သူမက စိတ်ပြောင်းလိုက်ပုံ မရပါဘူး၊ ပိတ်ဆို့ဒဏ်ခတ်မှုတွေက အဆုံးမသတ်သေးပါဘူး။ ဒီ ဒဏ်ခတ်မှုတွေနဲ့ပဲ လိုချင်တဲ့နေရာ ရောက်အောင် သွားမှာ ဖြစ်ပါတယ်” ဟု ဆိုသည်။
ဒေါ်အောင်ဆန်းစုကြည်က အရေးယူပိတ်ဆိုမှုများ ရုပ်သိမ်းရေးနှင့် ပတ်သက်၍ လိုလိုလားလား လက်ခံ ဆွေးနွေးရန် အသင့်ရှိသည် ဟူသော စကားသည် အကယ်၍ စစ်အစိုးရက အတူတကွ ညှိနှိုင်း ဆောင်ရွက်လို ခြင်းမရှိပါက အရေးယူပိတ်ဆိုမှုတွေက ဆက်လက်ရှိနေမည် ဟုဆိုလိုခြင်း ဖြစ်ကြောင်း ၎င်းက ဆက်ပြောသည်။
“အဲဒီလိုဆိုလိုချက်ဟာ မြန်မာပြည်ရဲ့ အရှုပ်အထွေးတွေမှာ ဒေါ်အောင်ဆန်းစုကြည်ရဲ့ ကဏ္ဍဟာ ပြန်အသက်ဝင် လာတာပါ၊ သူဟာ ကြောင်းကျိုးခိုင်လုံပြီးတော့ လိုက်လျောညီထွေရှိတယ်ဆိုတာ ပြသလိုက်တာပါပဲ၊ အခုသူကို ဘယ်သူမှလျစ်လျူရှုလို့ မရတော့ပါဘူး” ဟု Bertil Lintner ကဆိုသည်။
ဒေါ်အောင်ဆန်းစုကြည်က အရေးယူပိတ်ဆို့မှုနှင့် ပတ်သက်၍ မြန်မာနိုင်ငံဒီမိုကရေစီရေး အပြောင်းအလဲနှင့် အတူ အမေရိကန်-မြန်မာ ဆက်ဆံရေးတွင် မှုးယစ်ဆေးဝါး တိုက်ဖျက်ရေး လုပ်ငန်းများကို ပူးပေါင်း ဆောင်ရွက်ရန်လည်း တစိတ်တဒေသအဖြစ် ပါဝင်လျက်ရှိသည်။
မစ္စတာ ကာ့တ် ကမ်းဘဲလ်၏ ခရီးစဉ်မတိုင်မီ ၃ ရက်က ၀န်ကြီးချုပ် ဗိုလ်ချုပ်ကြီးသိန်းစိန်သည် ကိုးကန့်ဒေသ လောက်ကိုင်သို့ သွားရောက်၍ မူးးယစ်ဆေးဝါး မီးရှို့ဖျက်ဆီးသည့် အခမ်းအနားသို့ တက်ရောက်ခဲ့သည်။
“ဒါက စစ်အစိုးရကအမေရိကန်ကို အချက်ပေးလိုက်တာပါ၊ စစ်ခေါင်းဆောင်တွေက မူးးယစ်ဆေးဝါးရောင်းဝယ် ဖောက်ကားတဲ့နေရာမှာ ပါဝင်ပတ်သက်နေတယ်ဆိုတာ ဒီက လူတိုင်းသိနေတာပဲ” ဟု တရုတ်-မြန်မာနယ်စပ် မြန်မာ့အရေးလေ့လာသူ ဦးအောင်ကျော်ဇောက ဆိုသည်။
Set as favorite
Bookmark
Email this
Hits: 4051
Subscribe to this comment's feed
Write comment
| < Prev | Next > |
|---|
